Avansado.com | AUTL

Iha 29 Jullu 2020, portavozes Aliansa Universitáriu Timor-Leste (AUTL) halao diálogu ho Ministru Ensinu Superiór, Siénsia no Kultura (MESSK) nia subordinadu sira iha salaun MESSK nian hodi koalia kona-bá desizaun polítika injustu ne’ebé diskrimina estudante ensinu superiór iha rai laran.

Hanesan informa ona iha loron 29 Jullu 2020, depoizde diálogu katak seidauk iha desizaun, tanba MESSK auzente no parte tékniku MESSK nian ne’ebé partisipa iha diálogu la bele foti desizaun. Ho ida ne’e, iha diálogu refere, portavozes AUTL nian informa ba MESSK nia subordinadu sira katak iha loron 31 Jullu 2020, portavozes sei bá konsulta data fiksu kona-bá rona rezultadu hosi diálogu. Infelizmente, ohin ita la bele ba konsulta, tanba feriadu ba loron “Idul Adha” relijiaun Islam nian hodi adia fali ba loron segunda.

Loron segunda mak portavozes sei bá konsulta data atu rona rezultadu. No ita sei la permite atu rona rezultadu iha tempu naruk (liu semana 2) karik liu semana rua mak seidauk iha rezultadu, entaun ita sei tun iha dalan hodi hakilar kontra sira nia desizaun polítika ne’ebé atu habokur de’it grupu ki’ik ida.

Ita tun iha dalan ne’e hatudu ona katak MESSK nia ezisténsia laloos ona atu ajuda ita iha prosesu aprendizajen, maibé atu hanehan ita, tanba la ajuda ita iha situasaun no kondisaun difísil ne’ebé ita preokupa teb-tebes.

Injustisa ida ne’e halo ita hotu hirus, maibé nafatin husu ba kolega estudante hotu ne’ebé mak hamahan-an iha organizasaun AUTL atu mantein estuda hodi hein instrusaun luta nian hosi portavozes liu husi pájina AUTL .

Dehan lae ba diskriminasaun mai ita estudante iha rai laran!

Ita konsiente!

Ita hamotuk!

Ita luta!

Ita menan!

(Avansado-01)

By admin

Tinggalkan Balasan

Alamat email Anda tidak akan dipublikasikan. Ruas yang wajib ditandai *