Avansado.com | Admin

Atividade hakerek ne’e Klibur Estudante Progresivu (KEP) konsiente nu’udar parte ida hosi papel luta klase nian. KEP hanesan organizasaun eskerda ida ne’ebé mak iha hakarak ba sosiedade Timor-Leste moris la iha esplorasaun no opresaun hosi sistema ba ema no hosi ema ba ema. Atu atinji objetivu ida ne’e, presiza mós iha luta, no luta ne’e inklui mós hosi hakerek.

Iha 30 Jullu 2020, estrutura nasionál KEP inklui membru ativu sira kontinua tuir formasaun hakerek hosi Guru VA Safi’i iha kampuz sentrál UNTL, tuku 18:00-20:00.

Formasaun hakerek ida ne’e Guru VA Safi’i esplika liu oinsa atu hakerek tuir ala eskerda nian. Hakerek ala eskerda nian mak hanesan halo agitasaun no propaganda kontra ideia klase dominante nian ne’ebé mak sempre aliena klase baisa sira.

Ho ida ne’e, bele garantia ba moris iha futuru ne’ebé la iha esplorasaun no opresaun hosi sistema ba ema no ema ba ema mak kuadrus KEP tenke promove leitura, diskusaun no ikus liu mak eskrita tuir ala eskerda (Marxismo-Leninismo) hodi halo kontraditóriu ba ideia klase dominante nian hahú agora ba oin iha mundu reál ida ne’e.

Saudasoens Progresistas

A luta continua!

Hakerek nain: Moises Magno nu’udar Koordinador Departementu Agitasaun no Propaganda KEP.

(Avansado-01)

By admin

Tinggalkan Balasan

Alamat email Anda tidak akan dipublikasikan. Ruas yang wajib ditandai *